Unha maneira de facer Europa
O proxecto de acondicionamento de instalacións como plató de produción audiovisual está cofinanciado pola Unión Europea, no marco do Programa Operativo FEDER 2014-2020, co obxectivo de Apoiar aos sectores máis afectados pola COVID-19 (O.E. REACT-UE 3.2). Este espazo amplía os servizos ofrecidos por Tex45 Producións, o que permitirá atraer ás instalacións todo tipo de producións audiovisuais, e ademais emprega medidas de aforro de custes enerxéticos que asegurará un consumo eléctrico máis sostible e con menor impacto para o medio ambiente.
O proxecto:
Conscientes da crecente demanda de espazos de produción audiovisual en Galicia, Tex45 Producións procedeu ao acondicionamento como plató audiovisual dunha nova nave no Polígono de Merelle. Co apoio da Unión Europea, no marco do Programa Operativo FEDER 2014-2020, durante os últimos meses leváronse a cabo diferentes accións para lograr un espazo idóneo para as filmacións audiovisuais: optimización do sistema de climatización para mellorar a eficiencia enerxética e reducir a pegada acústica, illamento acústico e lumínico do espazo e instalación de truss de aluminio para empregar nas rodaxes.
O resultado é un espazo de plató diáfano, enerxeticamente eficiente e adaptado para acoller todo tipo de producións audiovisuais. Este estudo de produción audiovisual, con 800m2 e con capacidade para 200 persoas inclúe plató, almacén, oficinas, camerinos… e permitirá atraer a Ordes e a Galicia producións variadas e persoal técnico e artístico, convertendo a vila nun dos principais centros de produción de Galicia.
